ლევანდოვსკი: "რთული სათქმელია, რომ მომდევნო სეზონშიც ბაიერნში ვითამაშებ"
"ბაიერნის" თავდამსხმელმა, რობერტ ლევანდოვსკიმ სხვა გუნდში შესაძლო გადასვლასთან დაკავშირებით კომენტარი გააკეთა.
მოგეხსენებათ, 33 წლის პოლონელს, რომელსაც "რეკორდმაისტერთან" მოქმედი კონტრაქტის ვადა 2023 წლის ზაფხულში ეწურება, სამუშაო ადგილის შეცვლა უნდა.
"ყველაფერი რამდენიმე ფაქტორზეა დამოკიდებული. ვფიქრობ, ჩემი სიტუაცია სავსებით ნათელია და ამაზე ლაპარაკს აზრი არ აქვს".
"რთული სათქმელია, რომ მომავალ სეზონშიც "ბაიერნში" ვითამაშებ".
"მეტი ინფორმაციის მოწოდების დროც დადგება, მალე მეტის თქმა იქნება შესაძლებელი", - ციტირებს ლევანდოვსკის სიტყვებს Football Espana.
ცნობისთვის, "ბაიერნის" სუპერვარსკვლავის ხელში ჩაგდების მთავარი პრეტენდენტი "ბარსელონაა". სხვადასხვა წყაროების თანახმად, გამოცდილი ფორვარდი კატალონიელებს კონტრაქტზე უკვე შეუთანხმდა.
2021/22 წლების სეზონში ლევანდოვსკიმ ყველა ტურნირზე ერთად 46 მატჩი ჩაატარა, 50 გოლი გაიტანა და 7 შედეგიანი გადაცემა გააკეთა.
