"ნამდვილი მასტერკლასი მოაწყო, მთელი თავისი ოსტატობა გამოავლინა", - უეფამ მესის თამაში შეაფასა
!["ნამდვილი მასტერკლასი მოაწყო, მთელი თავისი ოსტატობა გამოავლინა", - უეფამ მესის თამაში შეაფასა](http://storage.goal.ge/uploads/posts/z9S79muAjYyIQC10eOq3KQye6i3R67UP.jpg)
უეფას ტექნიკურ დამკვირვებელთა ჯგუფმა იტალიის ეროვნული ნაკრების წინააღმდეგ ლიონელ მესის თამაში გამოარჩია.
მოგეხსენებათ, 34 წლის არგენტინელი 2022 წლის "ფინალისიმას" საუკეთესო მოთამაშედ დასახელდა, სადაც "ალბისელესტემ" "სკუადრა აძურა" ანგარიშით 3:0 გაანადგურა.
"თავიდან ბოლომდე აკონტროლებდა მატჩის მიმდინარეობას. მთელი თავისი ოსტატობა გამოავლინა, ლაუტაროს ასისტი გაუკეთა და სხვა თანაგუნდელებს მომენტები შეუქმნა".
"არ გაუმართლა, რადგან თავად ვერ გაიტანა. "უემბლიზე" შეკრებილებს ნამდვილი მასტერკლასი მოუწყო - ისეთი, რომ აღტაცებული დატოვა", - წერია უეფას ოფიცალურ საიტზე.
მიუხედავად უგოლო შეხვედრისა, მესიმ აღნიშნულ დაპირისპირებაში ორი შედეგიანი გადაცემა მიითვალა.