ავტორიზაცია
რეალში ტრანსფერის ალბათობა ნულის ტოლია — მადრიდულ გრანდს პოგბა არ აინტერესებს
"მანჩესტერ იუნაიტედის" აწ უკვე ყოფილი ფეხბურთელი, პოლ პოგბა მადრიდის "რეალში" არ გადავა.
აქამდე გავრცელდა ინფორმაცია იმის შესახებ, რომ 29 წლის სუპერვარსკვლავისთვის "ბლანკოსი", "პარი სენ ჟერმენი" და "იუვენტუსი" იბრძვიან.
ახლა კი, როგორც ცნობილი გამოცემა COPE წერს, ესპანური გრანდი ფრანგი ნახევარმცველის დამატებით დაინტერესებული არ არის.
აღინიშნება, რომ "რეალში" პოგბას მიმართ ინტერესს კატეგორიულად უარყოფენ.
მოგეხსენებათ, პოლი "მანჩესტერ იუნაიტედის" ღირსებას 2016 წლიდან იცავდა. 2021/22 წლების სეზონში მან ყველა ტურნირზე ერთად "ეშმაკუნების" ღირსება 27 მატჩში დაიცვა, 1 გოლი გაიტანა და 9 შედეგიანი პასი გააკეთა.
