ბუფონი: "ყველაზე მეტად რეალთან 2018 წელს გამართული მატჩით ვამაყობ, მაგრამ დღემდე ვერ ვხვდები, რატომ გამაძევეს"
"იუვენტუსის" ყოფილმა მეკარემ, ჯანლუიჯი დონარუმამ ჩემპიონთა ლიგაზე "რეალთან" გამართულ მატჩში მიღებული წითელი ბარათის ეპიზოდი გაიხსენა.
აღნიშნული შეხვედრა 2017/18 წლების სეზონში მეოთხედფინალში შედგა. პირველი თამაში, რომელიც იტალიაში გაიმართა, მადრიდულმა გრანდმა ანგარიშით 3:0 მოიგო.
საპასუხო მატჩში "ბიანკონერი" 3:0-ს იგებდა, მაგრამ 93-ე წუთზე მთავარმა არბიტრმა, მაიკლ ოლივერმა ტურინელთა კარში პენალტი დანიშნა და ბუფონი მოედნიდან გააძევა. თერთმეტმეტრიანი კრიშტიანუ რონალდუმ ზუსტად შეასრულა და "ბლანკოსი" ნახევარფინალში გავიდა.
"2018 წელს მადრიდში გამართული შეხვედრა - ეს ის მატჩია, რომლითაც ყველაზე მეტად ვამაყობ, მიუხედავად იმისა, რომ დღემდე ვერ ვხვდები, რატომ გამაძევა ოლივერმა".
"მისთვის შეურაცხყოფა არ მიმიყენებია. ალბათ, ერთ-ერთმა ჩემმა თანაგუნდელმა მას ნეკნებში რამდენჯერმე ჩაარტყა, მაგრამ ეს მე არ ვყოფილვარ, მან კი წითელი ბარათი მიჩვენა!", - თქვა ამჟამად "პარმას" კიპერმა La Stampa-სთან ინტერვიუში.
