ავტორიზაცია
ოფიციალურად: ბარსელონამ ამ ზაფხულს პირველი ფეხბურთელი გაყიდა
"ბარსელონას" თავდამსხმელი, ფერან იუტგლა კარიერას "ბრიუგეში" გააგრძელებს, იტყობინება კატალონიური გრანდის ოფიციალური საიტი.
როგორც აღინიშნება, ბელგიური კლუბი 23 წლის ესპანელში 5 მილიონ ევროს გადაიხდის.
გარდა ამისა, "ბლაუგრანას" ახალგაზრდა შემტევის შემდგომი გაყიდვით მიღებული თანხის 10 პროცენტიც ერგება.
ცნობისთვის, იუტგლა "ლურჯ-ბროწეულისფრებს" 2021 წლის ზაფხულში "ესპანიოლის" მეორე გუნდიდან შეუერთდა.
ფერანმა "ბარსელონას" პირველი გუნდის მაისურით ყველა ტურნირზე ერთად 8 მატჩი ჩაატარა და 2 გოლი გაიტანა.
