ავტორიზაცია
სამიზნეთა სია შედგენილია — იუვენტუსი ამ ზაფხულს რამდენიმე ფეხბურთელის დამატებას გეგმავს
"იუვენტუსის" ხელმძღვანელობამ ზაფხულის სატრანსფერო ფანჯრისთვის სამიზნეთა სია შეადგინა.
აღნიშნულ ინფორმაციას ცნობილი იტალიელი ჟურნალისტი, ჯანლუკა დი მარციო ავრცელებს.
ასე და ამგვარად, ტურინული გრანდი "რომას" ნახევარმცველ ნიკოლო ძანიოლოს გადაბირებას გეგმავს, რომლის ხელში ჩაგდებიც მთავარ ფავორიტად "მილანი" მიიჩნევა.
გარდა ამისა, "ბებერი ქალბატონის" ინტერესთა სფეროში დომენიკო ბერარდი ("სასუოლო") და ფილიპ კოსტიჩი ("აინტრახტი") არიან მოქცეულნი.
რაც შეეხება პოლ პოგბას დაბრუნებას, რომელსაც "მანჩესტერ იუნაიტედთან" კონტრაქტის ვადა ამოეწურა და თავისუფალი აგენტია, ამ დროისთვის მხარეები გარიგების რაც შეიძლება სწრაფად დახურვაზე მუშაობენ.
