ჩელსი მილინკოვიჩ-სავიჩის შეძენით ინტერესდება და შესაძლოა, ტრანსფერში ორი ფეხბურთელი ჩართოს
"ლაციოს" ნახევარმცველმა, სერგეი მილინკოვიჩ-სავიჩმა შესაძლოა მიმდინარე ზაფხულის სატრანსფერო ფანჯარაზე სამუშაო ადგილი შეიცვალოს.
როგორც ბრიტანული და იტალიური გამოცემები წერენ, 27 წლის სერბით "ჩელსის" მთავარი მწვრთნელი, ტომას ტუხელია დაინტერესებული.
გარდა ამისა, რომაელთა ერთ-ერთი წამყვანი ფეხბურთელისადმი ყურადღებას "არსენალი" და "ნიუკასლიც" იჩენენ.
მილინკოვიჩ-სავიჩს "ლაციო" დაახლოებით 60 მილიონ ევროდ აფასებს და ჯერჯერობით, არცერთი ზემოთჩამოთვლილი კლუბი არ არის ამხელა თანხის გადახდისთვის მზად.
ამასთანავე, "არწივები" "ჩელსის" ორი მოთამაშის გადაბირების ვარიანტს განიხილავენ: მცველ ემერსონისა და ნახევარმცველ რუბენ ლოფტუს-ჩიკის. არ არის გამორიცხული, ისინი მილინკოვიჩ-სავიჩის ტრანსფერში ჩართონ.
გასულ სეზონში "ლაციოს" ერთ-ერთმა ლიდერმა ყველა ტურნირზე ერთად 47 მატჩი ჩაატარა, 11 გოლი გაიტანა და 12 შედეგიანი პასი გააკეთა.