"რთულია პსჟ-ზე უკეთესი გუნდის პოვნა", - ლეგენდარულმა ტოტიმ მბაპეს მხარი დაუჭირა
"რომას" ლეგენდარულმა თავდამსხმელმა, ფრანჩესკო ტოტიმ "პსჟ"-ს თავდამსხმელს, კილიან მბაპეს მხარი დაუჭირა.
მოგეხსენებათ, 23 წლის ფრანგმა სუპერვარსკვლავმა მადრიდის "რეალში" გადასვლა იუარა და პარიზელებთან კონტრაქტი 2025 წლამდე გაახანგრძლივა.
"ვფიქრობ, საბოლოო არჩევანი გულით გაკეთდა, მიუხედავად იმისა, რომ საქმე "პსჟ"-სა და კოსმიურ ფულს ეხება".
"ჩემი აზრით, ნებისმიერი დარჩენას ამჯობინებდა. რთულია "პსჟ"-ზე უკეთესი გუნდის პოვნა", - განაცხადა იტალიელმა Sky Sport Italia-სთან ინტერვიუში.
ცნობისთვის, გასულ სეზონში მბაპემ ყველა ტურნირზე ერთად "პსჟ"-ს მაისურით 46 მატჩი ჩაატარა, 39 გოლი გაიტანა და 26 შედეგიანი პასი გააკეთა.