ნეიმარის ყოფილი აგენტი: "ერთი ოცნება აქვს, რომელიც პსჟ-ს უკავშირდება"
"პარი სენ ჟერმენის" თავდამსხმელის, ნეიმარის ყოფილმა აგენტმა, ვაგნერ რიბერომ განაცხადა, რომ ბრაზილიელი სამუშაო ადგილის შეცვლას არ აპირებს.
– როგორ ფიქრობთ, "პსჟ"-ში ნეიმარის ეპოქა დასრულდა? კლუბის შეცვლა მისთვის კარგი იქნებოდა?
"ნეიმარს ერთი ოცნება აქვს - გახდეს ჩემპიონთა ლიგის გამარჯვებული "პარი სენ ჟერმენთან ერთად".
"მიუხედავად შესაძლო წასვლაზე გავრცელებული ყველა ჭორისა, ძალიან მოტივირებულია და არ გაჩერდება, სანამ ამ მიზანს არ მიაღწევს", - დასძინა რიბეირომ.
აღსანიშნავია, რომ სწორედ ეს აგენტი მუშაობდა ნეიმარის "სანტოსიდან" "ბარსელონაში" ტრანსფერზე, რომელიც 2013 წლის 1 ივლისს დაიხურა.