ყველა დეტალი გარკვეულია — გაბრიელ ჟეზუსი 99%-ით არსენალის ფეხბურთელია!
ცნობილი გახდა, თუ რამდენი დაუჯდება "არსენალს" "მანჩესტერ სიტის" თავდამსხმელის, გაბრიელ ჟეზუსის ტრანსფერი.
როგორც აქამდე დაიწერა, გარანტირებული თანხა, რომელსაც "ქალაქელები" მიიღებენ, 45 მილიონ ფუნტს უტოლდება.
გავლენიანი გამოცემა ESPN-ი იტყობინება, რომ დამატებით 10 მილიონი სხვადასხვა ბონუსის სახით იქნება გათვალისწინებული.
გავრცელებული ინფორმაციით, "მეთოფეებმა" თავად 25 წლის ბრაზილიელთან 5-წლიანი კონტრაქტი უკვე შეათანხმეს.
გასულ სეზონში ჟეზუსმა ყველა ტურნირზე ერთად "სიტის" ღირსება 41 მატჩი ჩაატარა, 13 გოლი გაიტანა და 12 შედეგიანი პასი გააკეთა.