MARCA: რეალის თავდამსხმელმა კლუბის ხელმძღვანელობას აცნობა, რომ მადრიდის დატოვება სურს
"რეალის" თავდამსხმელი, მარიანო დიასი მიმდინარე ზაფხულის სატრანსფერო ფანჯარაზე მადრიდული გრანდის რიგების დატოვებას გეგმავს.
28 წლის დომინიკელმა "ბლანკოსს" წასვლის სურვილის შესახებ ამცნო, იუწყება გავლენიანი ესპანური გამოცემა Marca.
"ლიონიდან" დაბრუნების შემდეგ, დიასმა "რეალში" 4 სეზონი გაატარა. ამ დროის განმავლობაში მან საერთო ჯამში 59 მატჩში მიიღო მონაწილეობა და 7 გოლი გაიტანა.
აღსანიშნავია, რომ მადრიდელთა ფორვარდის კონტრაქტი 2023 წლის 30 ივნისამდეა გათვლილი და მისი ამჟამინდელი სატრანსფერო ფასი 6 მილიონ ევროს შეადგენს.