იმაზე თითქმის 2-ჯერ მეტი, ვიდრე ლივერპულში — ბაიერნში მანეს ხელფასი ცნობილია

თარიღი: 26 Jun 2022, 16:10

ცნობილი გახდა, თუ რამდენს გამოიმუშავებს "ბაიერნის" ახალწვეული, სადიო მანე მიუნხენურ გრანდში.

როგორც გავლენიანი გერმანული გამოცემა Bild-ი წერს, 30 წლის სენეგალელის წლიური ანაზღაურება სუფთა 20 მილიონი ევრო იქნება.

ასე და ამგვარად, მანე "რეკორდმაისტერის" ერთ-ერთ ყველაზე მაღალანაზღაურებად ფეხბურთელად იქცა.

აღსანიშნავია, რომ "ლივერპულში" სადიო წელიწადში 12 მილიონს გამოიმუშავებდა, ისიც გადასახადების გადახდამდე.

მოგეხსენებათ, "ბაიერნმა" აფრიკელი სუპერვარსკვლავი მიმდინარე ზაფხულის სატრანსფერო ფანჯარაზე 32 მილიონ ევროდ იყიდა.

ყველა სიახლე