ავტორიზაცია
ოფიციალურად: არსენალმა გაბრიელ ჟეზუსის ტრანსფერი დაადასტურა
"არსენალმა" ოფიციალური საიტის მეშვეობით "მანჩესტერ სიტის" თავდამსხმელის, გაბრიელ ჟეზუსის ტრანსფერი დაადასტურა.
როგორც აღინიშნება, 25 წლის ბრაზილიელმა ფეხბურთელმა ლონდონურ კლუბთან გრძელვადიან კონტრაქტს მოაწერა ხელი.
"ქალაქელთა" აწ უკვე ექს-ფორვარდი "მეთოფეების" ღირსებას 9-ნომრიანი მაისურით დაიცავს და გუნდთან ერთად ახალი სეზონისთვის მზადებას მალე დაიწყებს.
აქამდე გავრცელებული ინფორმაციით, "არსენალი" ჟეზუსის სანაცვლოდ 45 მილიონ ფუნტს გადაიხდის, კონტრაქტი კი 2027 წლის ივნისის ბოლომდე იქნება გათვლილი.
2021/22 წლების სეზონში გაბრიელმა "მანჩესტერ სიტის" მაისურით ყველა ტურნირზე ერთად 41 მატჩი ჩაატარა, 13 გოლი გაიტანა და 12 შედეგიანი პასიც მიითვალა. ბრაზილიელი "ქალაქელთა" ღირსებას 2016 წლიდან იცავდა.
