ავტორიზაცია
ტრანსფერი ორშაბათს გაოფიციალურდება — პოგბამ სამედიცინო შემოწმება გაიარა და კონტრაქტიც გააფორმა
"მანჩესტერ იუნაიტედის" აწ უკვე ყოფილი ნახევარმცველი, პოლ პოგბა თავისუფალი აგენტის სტატუსით "იუვენტუსში" გადადის.
როგორც ცნობილი ჟურნალისტი, რომეო აგრესტი იტყობინება, ფრანგმა დღეს ტურინულ გრანდში სამედიცინო შემოწმება გაიარა და უკვე კონტრაქტიც გააფორმა.
მიუხედავად ამისა, ტრანსფერი არა დღეს ან ხვალ, არამედ ორშაბათს გაოფიციალურდება.
აქამდე გავრცელებული ინფორმაციით, 29 წლის სუპერვარსკვლავი "ბებერი ქალბატონის" რიგებში 3 სეზონი დარჩება და მისი წლიური ხელფასი 8 მილიონი ევრო იქნება.
მოგეხსენებათ, პოგბამ "მანჩესტერ იუნაიტედში" 6 სეზონი გაატარა და კლუბი ამ ზაფხულს უფასოდ დატოვა.
ტურინში ჩაფრენილმა პოლ პოგბამ "იუვენტუსის" გულშემატკივრებს მიმართა
იუვენტუსში ტრანსფერი გადაწყვეტილია — პოგბა ტურინში რონალდუს მდიდრულ ვილაში იცხოვრებს
