ოფიციალურად: პოლ პოგბა იუვენტუსში დაბრუნდა!

"მანჩესტერ იუნაიტედის" აწ უკვე ყოფილი ნახევარმცველი, პოლ პოგბა კარიერას "იუვენტუსში" გააგრძელებს.

იტალიურმა გრანდმა დაადასტურა, რომ ფრანგ სუპერვარსკვლავთან, რომელმაც ამ ზაფხულს "ეშმაკუნების" რიგები თავისუფალი აგენტის სტატუსით დატოვა, 2026 წლის 30 ივნისამდე გათვლილი კონტრაქტი გააფორმა.

როგორც "ბიანკონერის" პრესსამსახური იტყობინება, კლუბმა 2022 წლის 31 აგვისტომდე საკომისიოს სახით 2,5 მილიონი ევრო უნდა გადაიხადოს.

მოგეხსენებათ, პოგბას 2012 წლიდან 2016 წლამდე ტურინულ გრანდში უკვე უთამაშია, შემდეგ კი 100 მილიონად "მანჩესტერ იუნაიტედში" გადავიდა.

გასულ სეზონში 29 წლის ნახევარმცველმა ყველა ტურნირზე ერთად მანიკუნიანელთა მაისურით 26 მატჩი ჩაატარა, 1 გოლი გაიტანა და 9 შედეგიანი გადაცემაც მიითვალა.

ტრანსფერი ორშაბათს გაოფიციალურდება — პოგბამ სამედიცინო შემოწმება გაიარა და კონტრაქტიც გააფორმა