300 მლნ ევრო რონალდუს სანაცვლოდ: კრიშტიანუს არაამქვეყნიური შეთავაზება მიუვიდა, დეტალებიც ცნობილია
საუდის არაბეთის კლუბი მზად არის "მანჩესტერ იუნაიტედის" თავდამსხმელის, კრიშტიანუ რონალდუს ხელში ჩასაგდებად ასობით მილიონი ევრო დახარჯოს.
TVI-სა და CNN Portuguesa-ს ცნობით, არაბეთის ნახევარკუნძულის ერთ-ერთი კლუბი 37 წლის პორტუგალიელ სუპერვარსკვლავში 300 მილიონ ევროს ჩამოდის.
აქედან 250 მილიონი რონალდუს ორწლიან კონტრაქტზე დაიხარჯება (125 მლნ წლიური ხელფასის სახით), 30 მილიონს მანიკუნიანელები მიიღებენ, ხოლო 20 მილიონს - აგენტები, საკომისიოს სახით.
როგორც ავტორიტეტული გამოცემა AS-ი წერს, ნაკლებად სავარაუდოა, რომ კრიშტიანუ ამ წინადადებას დათანხმდეს. მას ევროპულ ტოპ კლუბში მინიმუმ კიდევ ერთი სეზონის ჩატარება უნდა.
მოგეხსენებათ, რადგანაც ახალ სეზონში "მანჩესტერ იუნაიტედი" ჩემპიონთა ლიგაზე მონაწილეობას ვერ მიიღებს, რონალდუს წასვლა სურს და ახალ კლუბს უკვე ეძებს.
