ტენ ჰაგმა მანჩესტერ იუნაიტედში რონალდუს მომავალზე მოკლე კომენტარი გააკეთა
"მანჩესტერ იუნაიტედის" მთავარმა მწვრთნელმა, ერიკ ტენ ჰაგმა თავდამსხმელ კრიშტიანუ რონალდუს მომავალზე მოკლე კომენტარი გააკეთა.
მოგეხსენებათ, "ეშმაკუნები" წინასასეზონო შეკრებაზე მელბურნში ჩავიდნენ. პორტუგალიელი სუპერვარსკვლავი გუნდის განკარგულებაში კვლავ არ არის - კლუბის განცხადებით, პირადი მიზეზების გამო.
37 წლის ფორვარდის მომავალზე დასმულ კითხვას ტენ ჰაგმა შემდეგანირად უპასუხა: "განცხადება უკვე გავაკეთეთ. მას შემდეგ არაფერი შეცვლილა".
"მანჩესტერ იუნაიტედმა" აქამდე თქვა, რომ კრიშტიანუ გუნდს ტაილანდისა და ავსტრალიის ტურნეში არ გაჰყვებოდა. მას ოჯახური პრობლემების მოსაგვარებლად დამატებითი დრო მისცეს.
ცნობისთვის, რონალდუს მანიკუნიანელებთან მოქმედი კონტრაქტის ვადა მომავალ წელს ეწურება, მაგრამ კლუბიდან წასვლა ამ ზაფხულსვე უნდა, რადგან "ემიუსთან" ერთად ამ სეზონში ჩემპიონთა ლიგაზე ვერ იასპარეზებს.
