ავტორიზაცია
სატრანსფერო ღირებულება, კონტრაქტის ხანგრძლივობა, ხელფასი — კულიბალის ჩელსიში ტრანსფერის დეტალები
"ნაპოლის" ცენტრალური მცველის, კალიდუ კულიბალის "ჩელსიში" ტრანსფერი უახლოეს საათებში დაიხურება.
როგორც ცნობილი იტალიელი ჟურნალისტი, ჯანლუკა დი მარციო წერს, 31 წლის სენეგალელმა დღეს "არისტოკრატებთან" 2027 წლამდე გათვლილი კონტრაქტი გააფორმა.
გავრცელებული ინფორმაციით, "ჩელსი" აფრიკელ უკანახაზელში 38 მილიონ ევროს გადაიხდის, დამატებით 2 მილიონი კი ბონუსების სახით იქნება გათვალისწინებული.
ლონდონურ კლუბში კულიბალი წლიური ხელფასის სახით 10 მილიონს გამოიმუშავებს.
ცნობისთვის, გასულ სეზონში კალიდუმ, რომელიც "ნაპოლის" რიგებში 2014 წლიდან ირიცხებოდა, ყველა ტურნირზე ერთად 34 მატჩი ჩაატარა, 3 გოლი გაიტანა და 3 შედეგიანი პასი გააკეთა.
