BREAKING: ტრანსფერი შეთანხმებულია! კულიბალი კარიერას პრემიერ ლიგის გრანდში გააგრძელებს

თარიღი: 13 Jul 2022, 19:07

როგორც გავლენიანი ჟურნალისტი, ფაბრიციო რომანო იტყობინება, "ნაპოლის" ცენტრალური მცველი, კალიდუ კულიბალი "ჩელსიში" გადადის.

გავრცელებული ინფორმაციით, 31 წლის სენეგალელის ტრანსფერი უკვე შეთანხმებულია და "არისტოკრატები" მის სანაცვლოდ 40 მილიონ ევროს გადაიხდიან.

სხვა სანდო წყაროებიც ადასტურებენ, რომ კულიბალი კარიერას ლონდონურ კლუბში გააგრძელებს.

როგორც აღინიშნება, კალიდუ "ჩელსისთან" 2027 წლამდე გათვლილ კონტრაქტს მოაწერს ხელს და მისი წლიური ანაზღაურება 10 მილიონი იქნება.

ცნობისთვის, გასულ სეზონში კულიბალიმ, რომელიც "ნაპოლის" რიგებში 2014 წლიდან ირიცხებოდა, ყველა ტურნირზე ერთად 34 მატჩი ჩაატარა, 3 გოლი გაიტანა და 3 შედეგიანი პასი გააკეთა.