ავტორიზაცია
ფოტო: ლევანდოვსკი ბაიერნის ვარჯიშზე ამჯერად დროულად მივიდა და თანაგუნდელებს დაემშვიდობა
"ბაიერნის" თავდამსხმელი, რობერტ ლევანდოვსკი მიუნხენური გრანდის ვარჯიშზე უკანასკნელად მივიდა.
პოლონელი სუპერვარსკვლავი დილის სესიაზე თანაგუნდელებს დაემშვიდობა, იტყობინება გავლენიანი ჟურნალისტი, ფაბრიციო რომანო.
33 წლის ფეხბურთელი, რომელმაც წინა სამ ვარჯიშზე დააგვიანა, ამჯერად დროულად გამოცხადდა.
უახლოესი 24 საათის განმავლობაში ლევანდოვსკი "ბარსელონასთან" კონტრაქტს გააფორმებს.
მოგეხსენებათ, აქამდე, "ბლაუგრანამ" და "ბაიერნმა" რობერტის 50 მილიონ ევროიანი ტრანსფერი შეათანხმეს. თავად ფორვარდი "ლურჯ-ბროწეულისფრებთან" 2025 წლამდე გათვლილ ხელშეკრულებას მოაწერს ხელს, თანამშრომლობის კიდევ ერთი სეზონით გაგრძელების შესაძლებლობით.
