შერინგემი: "მანჩესტერ იუნაიტედს რონალდუს ხელფასით 2-3 ფეხბურთელის ყიდვა შეუძლია"
"მანჩესტერ იუნაიტედის" ყოფილმა თავდამსხმელმა, ტედი შერინგემმა მანიკუნიანელთა ფორვარდის, კრიშტიანუ რონალდუს შესახებ ისაუბრა.
მოგეხსენებათ, პორტუგალიელმა აქამდე კლუბის ხელმძღვანელობას ჩემპიონთა ლიგაზე მოასპარეზე გუნდში გადასვლის სურვილის შესახებ ამცნო, თუ შესაფერისი წინადადება იქნება.
"რაღაც მხრივ ეს ვიწინასწარმეტყველე. ხალხი განიხილავს, უღირს თუ არა ტენ ჰაგს გუნდის რონალდუს ირგვლივ აგება, მაგრამ თუ წასვლა უნდა, წავა. ეს "ემიუსთვის" სრულიად განსხვავებულ შესაძლებლობებს ხსნის".
"რონალდუს ხელფასით 2-3 ფეხბურთელის შეძენა შეიძლება, უზარმაზარი ყოველთვიური ხარჯია".
"ცხოვრება გრძელდება. კრიშტიანუს წასვლა და სხვა ადგილას თამაში უნდა - ასე რომ, იპოვეთ ფეხბურთელები, რომლებიც მთელი სეზონის განმავლობაში ძლიერად და სტაბილურად იასპარეზებენ".
"რონალდუ თვალყურს ადევნებს იმას, რაც კლუბში ხდება. შედარებას აკეთებს, თუ როგორი იყო ფერგიუსონის დროს და როგორია ამჟამად. სიტუაცია არ მოსწონს. ფეხბურთში კრახს განიცდი, თუ ერთ ადგილას დგეხარ და რონალდუ, ალბათ, სწორედ ასე თვლის. კრიშტიანუ რომ ვიყო, "იუნაიტედს" ვეტყოდი: "გამაკვირვე შენი შრომით ბაზარზე".
"კრიშტიანუს უმაღლეს დონეზე სათამაშოდ 1-2 წელიღა დარჩა, ამ დროით სიამოვნების მიღებას იმსახურებს", - ციტირებს შერინგემის სიტყვებს Daily Mail-ი.
