დონარუმა თუ ნავასი? — პსჟ-ს ახალმა მთავარმა მწვრთნელმა გუნდის ძირითადი გოლკიპერი დაასახელა
"პარი სენ ჟერმენის" ახალი მთავარი მწვრთნელის, კრისტოფ გალტიეს განცხადებით, გუნდის ძირითადი გოლკიპერი ჯანლუიჯი დონარუმა იქნება.
"მესმის, რომ კეილორ ნავასი არსებული სიტუაციით ნამდვილად იმედგაცრუებულია, მაგრამ იგი მჭირდება, როგორც მეორე ნომერი", - ციტირებს 55 წლის სპეციალისტის სიტყვებს გავლენიანი ჟურნალისტი, ფაბრიციო რომანო.
გასულ სეზონში 35 წლის კოსტარიკელმა ყველა ტურნირზე ერთად 26 მატჩში მიიღო მონაწილეობა, 24 გოლი გაუშვა და საკუთარი კარი მშრალად 10-ჯერ შეინახა.
რაც შეეხება დონარუმას, 23 წლის იტალიელმა პარიზელთა ღირსება 24 შეხვედრაში დაიცვა, 23-ჯერ გაუტანეს და 9 მშრალი თამაში ჩაატარა.
ცნობისთვის, ნავასს "პსჟ"-სთან მოქმედი კონტრაქტის ვადა 2024 წლის 30 ივნისამდე აკავშირებს, ხოლო ჯიჯის 2026 წლის 30 ივნისამდე.