ავტორიზაცია
პსჟ-ს ახალმა მთავარმა მწვრთნელმა ნეიმარის მომავალზე განცხადება გააკეთა
"პარი სენ ჟერმენის" ახალმა მთავარმა მწვრთნელმა, კრისტოფ გალტიემ გუნდის თავდამსხმელის, ნეიმარის მომავალზე დასმულ კითხვას უპასუხა.
– ნეიმარმა ამხანაგურ მატჩებში ითამაშა. დარწმუნებული ხარ თუ არა მის მომავალში?
"ნეიმარი ბედნიერია, წინასასეზონო მზადების დაწყებიდანვე კარგად მუშაობს", - ციტირებს 55 წლის ფრანგი სპეციალისტის სიტყვებს L'Equipe.
"არ ვიცი, რა მოხდება სატრანსფერო ფანჯარაზე, ნეისთან პირისპირ ეს საკითხი არ განმიხილავს. თუმცა, როგორც ჩანს, არ ანაღვლებს ის, რასაც მასზე ლაპარაკობენ. სიამოვნებით ვარჯიშობს", - დასძინა გალტიემ.
მოგეხსენებათ, 30 წლის ბრაზილიელ სუპერვარსკვლავს "პსჟ"-სთან მოქმედი კონტრაქტის ვადა 2025 წლის ზაფხულამდე აკავშირებს.
