ავტორიზაცია
რონალდუ სიმეონეს მონდომებით მოხიბლულია და მადრიდში დაბრუნების წინააღმდეგი არ არის
"მანჩესტერ იუნაიტედის" თავდამსხმელი, კრიშტიანუ რონალდუ "ატლეტიკოში" გადასვლით არის დაინტერესებული.
როგორც ცნობილი ბრიტანული გამოცემა The Times-ი იტყობინება, პორტუგალიელი მადრიდში დაბრუნების იდეითაა შეპყრობილი.
გარდა ამისა, "როხიბლანკო" ჩემპიონთა ლიგაზე იღებს მონაწილეობას, მნიშვნელოვან ფაქტორს კი გუნდის მთავარი მწვრთნელი, დიეგო სიმეონე წარმოადგენს.
გავრცელებული ინფორმაციით, 37 წლის სუპერვარსკვლავი მოხიბლულია იმით, რომ არგენტინელ სპეციალისტს მასთან ერთად მუშაობა სურს.
აქამდე დაიწერა, რომ "ატლეტიკოს" ხელმძღვანელობა მზად არის რონალდუს გამო თავდამსხმელ ანტუან გრიზმანს შეელიოს.
ცნობისთვის, კრიშტიანუს "მანჩესტერ იუნაიტედთან" მოქმედი კონტრაქტის ვადა მომავალ წლამდე აკავშირებს.
