ავტორიზაცია
"როცა სხვებს ეძინა, ის ვარჯიშობდა, ძალიან დაგვაკლდება", - გვარდიოლამ თავისი ყოფილი შეგირდი შეაქო
„მანჩესტერ სიტის“ მწვრთნელმა, ხოსეპ გვარდიოლამ, გუნდიდან ოლექსანდრ ზინჩენკოს წასვლაზე ისაუბრა.
უკრაინელი ფეხბურთელი 30+2 მილიონ ფუნტად „არსენალში“ გადავიდა.
„ალექსი აქ მოსვლისას პატარა უკრაინელი ბიჭუნა იყო, რომელმაც იჯარით ნიდერლანდებში ითამაშა და შემდეგ დაბრუნდა. ჩვენ მისი ისევ იჯარით გაშვება გვინდოდა, მაგრამ მან თქვა: „არა, დარჩენა მსურს.“
ის დარბაზში მაშინაც იყო, როცა ყველას ეძინა და დამატებით ვარჯიშობდა, როცა ვარჯიშები მთავრდებოდა. მან მითხრა: „ჩემი დროც მოვა.“ და მისი დრო ნამდვილად მოვიდა, ის აქ იყო, სათამაშოდ სულ მზად იყო და წარმოუდგენლადაც თამაშობდა.
ზინჩენკო ტოპ-კლასის ფეხბურთელია, რომელიც ძალიან დაგვაკლდება.“ - აღნიშნა ესპანელმა სპეციალისტმა.
