[EXCLUSIVE] დიდი დაპირისპირება დინამო თბილისში: რატომ მიდის დირექტორი გუნდიდან?

მოგეხსენებათ, რამდენიმე დღის წინ, "დინამო თბილისის" პრეზიდენტმა რომან ფიფიამ კლუბის გაყიდვის თაობაზე განცხადება გააკეთა.

რა თქმა უნდა, "პაიდესთან" წაგებული მატჩის შემდეგ, გუნდში დიდი ცვლილებები იგეგმება.

GOAL.GE-ს ექსკლუზიური ინფორმაციით, კლუბის შიდა სამზარეულოში დიდი არეულობაა.

კერძოდ, ერთ-ერთ ვარჯიშზე, კლუბის სპორტული დირექტორი ალექსანდრე რეხვიაშვილი და ერთ-ერთი ფიზ.მომზადების მწვრთნელი ერთმანეთს სიტყვიერად და ფიზიკურად დაუპირისპირდნენ.

საბოლოოდ შევიტყეთ, რომ ამ დაპირისპირების გამო, "დინამოდან" ალექსანდრე რეხვიაშვილიც წავა და ფიზ.მომზადების მწვრთნელიც.

შეხლა-შემოხლის დადასტურებული მიზეზი უცნობია, თუმცა სავარაუდო ვერსიით, ხელმძღვანელობა ფეხბურთელების ფიზიკური მომზადების უკმაყოფილო იყო, რასაც კამათი მოჰყვა.

შეგახსენებთ, რომ რეხვიაშვილი "დინამოს" სპორტულ დირექტორად გასულ წელს დაინიშნა.

ავტორი: ბაჩო ცალუღელაშვილი

დინამო თბილისის კაპიტნის ახალი კლუბი ცნობილია!