ავტორიზაცია

ვან დეიკი: "ჰოლანდი პრემიერ ლიგაში მოასპარეზე მცველების ცხოვრებას საშინელს გახდის, მაგრამ ჩვენ გავაჩერეთ"

ვან დეიკი: "ჰოლანდი პრემიერ ლიგაში მოასპარეზე მცველების ცხოვრებას საშინელს გახდის, მაგრამ ჩვენ გავაჩერეთ"
თარიღი 01 აგვ 2022, 16:47

"ლივერპულის" ცენტრალურმა მცველმა, ვირჯილ ვან დეიკმა "მანჩესტერ სიტის" თავდამსხმელის, ერლინგ ჰოლანდის შესახებ ისაუბრა.

მოგეხსენებათ, ნორვეგიელმა სუპერვარსკვლავმა ინგლისის სუპერთასზე მერსისაიდულ კლუბთან (1:3) გამართულ შეხვედრაში გოლის გატანა ვერ მოახერხა.

"ცხადია, ჰოლანდს ბევრი თვისება აქვს და მცველებს ცხოვრებას გაურთულებს. ინგლისში მცველების ცხოვრებას საშინელს გახდის!".

"მეტოქის კარისკენაა მიმართული. ყველაფერი აქვს: იცის თავით თამაში, სწრაფია. მაგრამ ჩვენ გავაჩერეთ. 1-2 მომენტი ჰქონდა, თუმცა დანარჩენ ეპიზოდებში კარგად ვიმუშავეთ", - ციტირებს ჰოლანდიელი მცველის სიტყვებს Goal.com-ი.

მოგეხსენებათ, "მანჩესტერ სიტიმ" ჰოლანდი მიმდინარე ზაფხულის სატრანსფერო ფანჯარაზე "დორტმუნდიდან" 60 მილიონ ევროდ იყიდა.