ავტორიზაცია
ტენ ჰაგის საინტერესო პასუხი კითხვაზე: "ვიხილავთ თუ არა კვირას რონალდუს სასტარტო შემადგენლობაში?"
"მანჩესტერ იუნაიტედის" მთავარმა მწვრთნელმა, ერიკ ტენ ჰაგმა პრემიერ ლიგის პირველი ტურის წინ თავდამსხმელ კრიშტიანუ რონალდუს შესახებ ისაუბრა.
"ბედნიერი ვარ, რომ ჩვენთან ერთადაა. "მანჩესტერ იუნაიტედს" ტოპ დონის ფეხბურთელი ჰყავს. ჩვენთანაა. გუნდშია", - ციტირებს ჰოლანდიელი სპეციალისტის სიტყვებს Manchester Evening News-ი.
– ვიხილავთ თუ არა რონალდუს კვირას სასტარტო შემადგენლობაში?
"კვირას დაინახავთ", - დასძინა "ეშმაკუნების" დამრიგებელმა.
გარდა ამისა, ტენ ჰაგმა დაადასტურა, რომ ანტონი მარსიალი "ბრაიტონთან" მოახლოებულ შეხვედრას ტრავმის გამო გამოტოვებს.
პრემიერ ლიგის პირველი ტურის ეგიდით, "მანჩესტერ იუნაიტედი" "ოლდ ტრაფორდზე" "თოლიებს" კვირას, 7 აგვისტოს უმასპინძლებს. შეხვედრა სტარტს თბილისის დროით 17:00 საათზე აიღებს.
