"ბრაიტონის" აწ უკვე ყოფილმა მარცხენა მცველმა, მარკ კუკურელიამ "ჩელსიში" გადასვლაზე კომენტარი გააკეთა.

"მოგესალმებით, როგორც იქნა აქ ვარ", - წერს 24 წლის ესპანელი ფეხბურთელი სოციალურ ქსელში.

"ვამაყობ, რომ ამ გუნდს შემოვუერთდი. ბედნიერი ვარ, ბავშვობის ერთ-ერთი ოცნება ავიხდინე - "ჩელსიში" ვითამაშებ".

"სულმოუთქმელად ველოდები დაწყებას!", - დასძინა კატალონიის "ბარსელონას" აღზრდილმა.

მოგეხსენებათ, "არისტოკრატები" კუკურელიას სანაცვლოდ "ბრაიტონს" 55 მილიონ ფუნტს გადაუხდიან, დამატებით 7 მილიონი კი ბონუსების სახით იქნება გათვალისწინებული.

კუკურელია ჩელსის ისტორიაში ყველაზე ძვირადღირებული მცველია!