ავტორიზაცია

ოფიციალურად: ვეინალდუმმა პარი სენ ჟერმენი დატოვა და კარიერას სერია ა-ში გააგრძელებს

ოფიციალურად: ვეინალდუმმა პარი სენ ჟერმენი დატოვა და კარიერას სერია ა-ში გააგრძელებს
თარიღი 06 აგვ 2022, 16:38

"რომამ" "პარი სენ ჟერმენის" ცენტრალური ნახევარმცველი, ჟორჟინიო ვეინალდუმი ინათხოვრა, იუწყება "მგლების" ოფიციალური საიტი.

მხარეებს შორის გაფორმებულ ხელშეკრულებაში დევს პუნქტი, რომლის მიხედვითაც რომაელებს 2022/23 წლების სეზონის დასრულების შემდეგ 31 წლის ჰოლანდიელის კონტრაქტის შესყიდვის უფლება ექნებათ.

გავრცელებული ინფორმაციით, "რომას" ვეინალდუმის შესასყიდად 8 მილიონი ევროს გადახდა მოუწევს. მისი გადაბირება სავალდებულო არ იქნება, თუ მატჩების 50%-ში მიიღებს მონაწილეობას, კლუბი კი ჩემპიონთა ლიგაზე გავა.

მოგეხსენებათ, გამოცდილი ნახევარმცველი "პსჟ"-ს ღირსებას 2021 წლის ზაფხულიდან იცავდა, გუნდს იგი "ლივერპულიდან" უფასოდ შეუერთდა.

გასულ სეზონში ვეინალდუმმა ყველა ტურნირზე ერთად 38 მატჩი ჩაატარა, 3 გოლი გაიტანა და 3 შედეგიანი გადაცემაც ჩაიწერა საკუთარ აქტივში.