ავტორიზაცია
ლევანდოვსკი: "არ მაღელვებს ის, რომ ბარსელონამ შეიძლება ვერ დამარეგისტრიროს"
"ბარსელონას" ახალწვეული, რობერტ ლევანდოვსკი დარწმუნებულია, რომ კატალონიური გრანდი მის დარეგისტრირებას მოახერხებს.
მოგეხსენებათ, 33 წლის პოლონელი სუპერვარსკვლავი "ლურჯ-ბროწეულისფერთა" რიგებს ამ ზაფხულს "ბაიერნიდან" შეუერთდა.
"არ მაღელვებს ის, რომ "ბარსამ" შეიძლება ვერ დამარეგისტრიროს. ვფიქრობ, ყველაფერი სწორ გზაზეა, რადგან ჩემი ტრანსფერისთვის საჭირო ყველა რესურსი წინასწარ იყო დაცული".
"ოდნავადაც არ ვღელავ. ყველაფერი მოგვარდება", - ციტირებს ლევანდოვსკის სიტყვებს El Mundo Deportivo.
"ბარსელონამ" "ბაიერნის" აწ უკვე ყოფილ თავდამსხმელში 45 მილიონი ევრო გადაიხადა, დამატებით 5 მილიონი კი ბონუსების სახით არის გათვალისწინებული.
