ავტორიზაცია
მანჩესტერი ვეტერან ფორვარდში 8-9 მილიონ ევროს იხდიდა, თუმცა უარი მიიღო
„მანჩესტერ იუნაიტედმა“ 33 წლის ავსტრიელი ფორვარდის, მარკო არნაუტოვიჩის შეძენა სცადა.
იტალიელი ინსაიდერის ჯანლუკა დი მარციოს ინფორმაციით, „წითელი ეშმაკები“ „ბოლონიას“ არნაუტოვიჩის სანაცვლოდ 8-9 მილიონ ევროს სთავაზობდნენ.
თუმცა, იტალიურმა გუნდმა ეს შემოთავაზება უარით გაისტუმრა, რადგან ამ ეტაპზე არნაუტოვიჩის გაშვებას არ აპირებს.
მარკოს ერიკ ტენ ჰაგთან უკვე ნამუშევარი აქვს - 2006-2009 წლებში ისინი ერთად „ტვენტეში“ მოღვაწეობდნენ.
გასულ სეზონში ავსტრიელმა თავდამსხმელმა სერია ა-ს 33 მატჩში 14 გოლის გატანა მოახერხა. მისით დაინტერესება „მანჩესტერის“ გარდა ტურინის „იუვენტუსსაც“ მიაწერეს.
