ცნობილია თანხა, რომლის გადახდასაც ბარსელონა ბერნარდუ სილვას სანაცვლოდ გეგმავს
"ბარსელონას" ხელმძღვანელობა მიმდინარე ზაფხულის სატრანსფერო ფანჯარაზე "მანჩესტერ სიტის" შემტევი ნახევარმცველის, ბერნარდუ სილვას ხელში ჩაგდებას გეგმავს.
როგორც ცნობილი ესპანელი ჟურნალისტი, ხერარდ რომერო წერს, კატალონიური გრანდი პორტუგალიელის დამატებას 50-60 მილიონ ევროდ აპირებს.
გავრცელებული ინფორმაციით, უახლოეს დღეებში მხარეებს შორის შეხვედრა გაიმართება და პოტენციურ ტრანსფერს უფრო დეტალურად განიხილავენ.
არსებული ცნობით, ბერნარდუს "ბარსაში" გადასვლა უნდა, მაგრამ მოთმინებას კარგავს, რადგან მოლაპარაკებები გაიწელა.
გასულ სეზონში სილვამ ყველა ტურნირზე ერთად "სიტის" მაისურით 50 მატჩი ჩაატარა, 13 გოლი გაიტანა და 7 შედეგიანი გადაცემა გააკეთა.
აღსანიშნავია, რომ 28 წლის ფეხბურთელმა ახალ სეზონში "ქალაქელთა" ორივე შეხვედრაში მიიღო მონაწილეობა, მაგრამ თავი შედეგიანობით არ გამოუჩენია.
