ავტორიზაცია
კაზემირო 30 წელს გადაცილებულ ფეხბურთელებს შორის ისტორიაში მეორე ყველაზე ძვირადღირებულია - TOP-5
მადრიდის „რეალიდან“ წასული კარლოს კაზემირო 30 წელს გადაცილებული ფეხბურთელების ტრანსფერებში საფასურით მეორე ადგილზეა.
30 წლის ფეხბურთელის სანაცვლოდ „ემიუმ“ 60 მილიონი ფუნტი გადაიხადა, კიდევ 10 მილიონი კი ბონუსებით იქნება გათვალისწინებული.
Sky Sports-ის დათვლით, ამ ასაკში მხოლოდ ერთ ფეხბურთელში გადაუხდიათ ამაზე მეტი - კრიშტიანუ რონალდუში, რომელიც 2018 წელს „რეალიდან“ „იუვენტუსში“ 105 მილიონ ფუნტად გადავიდა.
მესამე ადგილს მირალემ პიანიჩი იკავებს, რომელიც „იუვენტუსმა“ „ბარსელონაში“ 59.4 მილიონო ფუნტად გაყიდა.
მეოთხეზე რობერტ ლევანდოვსკია, რომელიც ამ ზაფხულს „ბაიერნიდან“ „ბარსელონაში“ 42.5 მილიონ ფუნტად გადავიდა, მეხუთეზე კი ლეონარდო ბონუჩი - „იუვენტუსიდან“ „მილანში“, 35.1 მილიონ ფუნტად.
