კეილორ ნავასი პსჟ-სთან კონტრაქტის გაწყვეტაზე აწარმოებს მოლაპარაკებებს და შესაძლოა, კვარას თანაგუნდელი გახდეს

სატრანსფერო ფანჯრის დახურვის წინ, კეილორ ნავასი „პსჟ-ს“ დატოვებასთან ახლოსაა.

იტალიელი ჟურნალისტის, ნიკოლო სკირას ინფორმაციით, კოსტარიკელის აგენტი ჟორჟე მენდეში პარიზულ გუნდთან კონტრაქტის გაწყვეტაზე აწარმოებს მოლაპარაკებებს.

თუ ასე მოხდა, ნავასს „პსჟ-ს“ დატოვება თავისუფალი აგენტის სტატუსით შეეძლება და ნებისმიერ გუნდს უფასოდ შეუერთდება.

35 წლის მეკარეს საფრანგეთის ჩემპიონებთან კონტრაქტი 2024 წლამდე აკავშირებს და იმისთვის, რომ გუნდი დატოვოს, ნავასს „პსჟ-სთან“ 1.5-წლის ხელფასის სრულად აღება სურს.

„პსჟ-ს“ მთავარმა მწვრთნელმა, კრისტოფ გალტიემ ღიად დაადასტურა, რომ ამ სეზონიდან გუნდის პირველი გოლკიპერი ჯანლუიჯი დონარუმა იქნება, რის გამოც კოსტარიკელს მეორე მეკარეობით მოუწევს დაკმაყოფილება.

იწერება, რომ ნავასის დამატებით „ნაპოლი“ ინტერესდება.
 

ნაპოლი რონალდუს დამატებაზე სერიოზულად ფიქრობს - კვარა და კრიშტიანუ ერთ გუნდში მართლა რეალურია?!