ავტორიზაცია
ჩელსი არ ნებდება და ობამეიანგისთვის ბოლომდე იბრძვის
სატრანსფერო ფანჯრის დახურვის წინ, „ჩელსი“ პიერ-ემერიკ ობამეიანგის დამატებაზე აქტიურად იმუშავებს.
როგორც იტალიელი ჟურნალისტი ნიკოლო სკირა იტყობინება, ლონდონურ კლუბს 33 წლის გაბონელი ფორვარდის დამატება პრიორიტეტში აქვს, მის ტრანსფერს თომას ტუხელი პირადად ითხოვს.
თავდაპირველად იწერებოდა, რომ „ჩელსის“ საბოლოო შეთავაზება 20 მილიონი ევრო, ყველანაირი ბონუსის გარეშე იყო.
თუმცა, ზემოთხსენებული ჟურნალისტის ინფორმაციით, სატრანსფერო ფანჯრის დახურვის მოახლოვების გამო, „ჩელსი“ მზადაა შეთავაზება ბონუსების ჩათვლით 25 მილიონ ევრომდე გაზარდოს.
თავად ფეხბურთელთან ლონდონელებმა პირად კონტრაქტზე უკვე მოილაპარაკეს, ის გუნდთან 2025 წლამდე გააფორმებს ხელშეკრულებას, თუმცა „ბარსელონა“ მასში 30 მილიონს ითხოვს.
