რონალდუმ შესაძლოა პორტუგალიის ნაკრებში აღარ ითამაშოს

Record-ის ცნობით, ფეხბურთელი სპეციალისტთან უთანხმოების გამო ნაკრებიდან წასვლით დაიმუქრა.

კრიშტიანომ ასეთ ნაბიჯზე პირველად მას შემდეგ იფიქრა, რაც 2022 წლის მსოფლიო ჩემპიონატის ჯგუფური ეტაპის ბოლო მატჩში სამხრეთ კორეასთან (1:2) შეცვალეს. რონალდუ უკმაყოფილო დარჩა სანტოსის გადაწყვეტილებით.

შეგახსენებთ, რომ მსოფლიო ჩემპიონატის მერვედფინალის მატჩში შვეიცარიასთან, თავდამსხმელი მოედანზე შეხვედრის მიწურულს შევიდა, როდესაც ანგარიში პორტუგალიელთა სასარგებლოდ 5:1 იყო.

2022 წლის მსოფლიო ჩემპიონატზე კრიშტიანომ მონაწილეობა მიიღო ოთხ თამაშში და ერთი გოლი გაიტანა.