ფრედი პოტენციურ ნახევარფინალზე: "მინდა მესის ტირილი ვნახო"

ბრაზილიის ნაკრების ყოფილმა ფორვარდმა, ფრედიმ  მსოფლიოს ჩემპიონატზე ბრაზილიის ნაკრების და არგენტინის პოტენციურ ნახევარფინალზე კომენტარი გააკეთა. 

''ნახევარფინალში ბრაზილიისა და არგენტინის შეხვედრის ხილვა მსურს. მინდა დაბნეულობა, არეულობა, ნეიმარის ლამაზი თამაში და მესის ტირილი ვნახო. '', - განაცხადა ფრედმა. 

ბრაზილიისა და არგენტინის ნაკრებების შეხვედრას იმ შემთხვევაში ვიხილავთ, თუ ორივე ნაკრები მეოთხედფინალურ ბარიერს გაივლის. ბრაზილია ხორვატების წინააღმდეგ ითამაშებს, ხოლო არგენტინა ნიდერლანდებს დაუპირისპირდება.

შეგახსენებთ, რომ 39 წლის ფრედიმ ბრაზილიის ნაკრების შემადგენლობაში 39 მატჩი ჩაატარა და 18 გოლი გაიტანა.