გუშინდელ მატჩში პეპემ ხელი მოიტეხა, მაგრამ მაინც ბოლომდე ითამაშა

მაროკოსთან მუნდიალის მეოთხედფინალურ მატჩში პეპემ ხელი მოიტეხა.

პორტუგალიის ფეხბურთის ფედერაციის განცხადებით, 39 წლის ცენტრალურმა მცველმა მარცხენა ხელის მაჯა დაიზიანა.

გუშინდელი მატჩის შემდეგ, ფეხბურთელმა დოჰას ერთ-ერთ კლინიკაში გამოკვლევა ჩაიტარა და ყველაზე ცუდი ვარაუდი გამართლდა - მას მოტეხილობა აღმოუჩინეს.

მიუხედავად ამ დაზიანებისა, პეპემ მაროკოსთან მატჩი ბოლომდე ჩაამთავრა და 97-ე წუთზე ანგარიშის გათანაბრებაც შეეძლო.