მუნდიალების საუკეთესო ბომბარდირი მოქმედ ფეხბურთელებს შორის - მესის ორი მიღწევა დღევანდელი გოლის შემდეგ

ლეო მესიმ მსოფლიო ჩემპიონატებზე მე-11 გოლი გაიტანა.

არგენტინელმა ფორვარდმა ხორვატიასთან ნახევარფინალში პენალტი ზუსტად შეასრულა და მისმა გუნდმა 3:0 მოიგო.

ლეოსთვის ეს მიმდინარე მუნდიალზე მე-5 გოლია, ჯამში კი მე-11. ამ შედეგით ის მოქმედ ფეხბურთელებს შორის მსოფლიო ჩემპიონატების საუკეთესო ბომბარდირი გახდა.

აქამდე, ამ ტიტულს თომას მიულერი ატარებდა 10 გოლით.

გარდა ამისა, ლეო მე-11 გოლით მუნდიალებზე არგენტინის ნაკრების საუკეთესო ბომბარდირი გახდა და გაბრიელ ბატისტუტას გადაუსწრო, რომელსაც 10 გოლი ჰქონდა გატანილი.