იური სიომინი: "ხვიჩას შეუძლია ოქროს ბურთის ნომინანტთა ფინალურ ათეულში მოხვდეს"

"ხვიჩა იმსახურებს ასეთ მაღალ რეიტინგს, მაგრამ ეს მხოლოდ სეზონის ნახევარია. მნიშვნელოვანია, რომ ტემპი  არ შეანელოს და ჩემპიონთა ლიგის პლეი-ოფში კარგად გამოვიდეს, რათა ოქროს ბურთის ნომინანტთა ფინალურ ათეულში მოხვდეს. მას ეს შეუძლია. “- თქვა სიომინმა. 

მანამდე პორტალმა Goal-მა 2023 წლის ოქროს ბურთის მთავარი პრეტენდენტების რეიტინგი გამოაქვეყნა. კვარაცხელია ათეულში მოხვდა - მე-9 ადგილი დაიკავა.

21 წლის ქართველი ნახევარმცველი "ნაპოლის" გასულ ზაფხულს შეუერთდა. იტალიის სერია A-ს მიმდინარე სეზონში ფეხბურთელმა 12 მატჩში 6 გოლი გაიტანა და 5 საგოლე გადაცემა გააკეთა.