კრიშტიანუს და: "მუნდიალი მაშინ წავაგეთ, როცა რამდენიმე ვირთხამ შვეიცარიასთან გამარჯვება ისე აღნიშნა, თითქოს ეს რონალდუზე გამარჯვება იყო"

კრიშტიანუ რონალდუს დამ პორტუგალიის მუნდიალიდან გავარდნა გაიხსენა.

პორტუგალიელები მეოთხედფინალში მაროკოსთან 0:1 დამარცხდნენ.

„ჩვენ მსოფლიო ჩემპიონატი მაშინ წავაგეთ, როცა რამდენიმე ვირთხამ შვეიცარიასთან გამარჯვება ისე აღნიშნა, თითქოს ეს რონალდუზე გამარჯვება იყო.

ნაკრები კლუბი არ არის, ნაკრები - ქვეყანაა. სამწუხაროდ, პორტუგალიელებმა ამის გაკვეთილი ჯერ ვერ გაითავისეს.“ - წერს კატია ავეირუ ინსტაგრამის სთორისში.

პირველად, რონალდუ მუნდიალის მატჩში სკამზე შვეიცარიასთან დარჩა და ის შეხვედრა პორტუგალიელებმა 6:1 მოიგეს.