გარი ლინეკერი: "თუ მბაპე ფინალში ჰეთ-ტრიკს არ შეასრულებს, მესი მსოფლიო ჩემპიონატის საუკეთესო ფეხბურთელი გახდება"

თარიღი: 18 Dec 2022, 16:20

ინგლისის ყოფილმა ფეხბურთელმა გარი ლინეკერმა 2022 წლის მსოფლიო ჩემპიონატის ფინალში ლიონელ მესის და კილიან მბაპეს დაპირისპირებაზე ისაუბრა.

"თუ მბაპე ფინალში ჰეთ-ტრიკს არ გაიფორმებს ან რაიმე განსაკუთრებულს არ გააკეთებს, მაშინ ვფიქრობ, რომ მესი მიიღებს 2022 წლის მსოფლიო ჩემპიონატის ოქროს ბურთს.

რაც შეეხება ოქროს ბუცს, აქ ყველაფერი მარტივადაა - ერთ გოლს შეუძლია ყველაფერი მესის ან მბაპეს სასარგებლოდ გადაწყვიტოს.

ვფიქრობ, მესი ტურნირის საუკეთესო მოთამაშედ იქნება აღიარებული, რაც არ უნდა მოხდეს, მისი თამაშის სტაბილურობის გათვალისწინებით.

მბაპემ შესანიშნავი თამაში ჩაატარა, გვაჩუქა ჯადოსნური მომენტები, მაგრამ არც ისე ბევრი, როგორც მესიმ და რა თქმა უნდა, არა მეოთხედფინალში ან ნახევარფინალში.

მბაპემ მაროკოს წინააღმდეგ მეორე გოლის დროს რაღაც ჯადოქრობა აჩვენა, მესი კი მთელი ტურნირის განმავლობაში წარმოუდგენელ თამაშს აჩვენებს. “, - თქვა ლინეკერმა.