სხვაობა შემცირდა - რა ანგარიშია მუნდიალის ტიტულებით ევროპასა და სამხრეთამერიკას შორის?

არგენტინის ნაკრების გამარჯვება მსოფლიო ჩემპიონატზე სამხრეთამერიკული გუნდებისთვის ამ ტურნირზე მე-10 აღმოჩნდა.

კატარში გამართული მუნდიალის ფინალში ლიონელ სკალონის გუნდმა საფრანგეთს პენალტების სერიაში აჯობა.

სამხრეთამერიკულ გუნდებს შორის (და არამარტო) რეკორდსმენი მოგებული ტიტულებით ბრაზილიის ნაკრებია, რომელსაც აღნიშნული თასი 5-ჯერ აქვს აღმართული, არგენტინამ დღევანდელი მოგებით ტიტული მესამედ მოიგო, კიდევ ორჯერ კი წარმატებას ურუგვაიმ მიაღწია.

ევროპულმა ნაკრებებმა კი ამ ტურნირზე წარმატებას 12-ჯერ მიაღწიეს, 4-4-ჯერ გერმანიამ და იტალიამ, 2-ჯერ საფრანგეთმა, თითოჯერ კი ინგლისმა და ესპანეთმა.