გუტი: "რეალმა კვლავ უნდა სცადოს მბაპეს შეძენა"

მადრიდის "რეალის" ყოფილმა ნახევარმცველმა გუტიმ მადრიდის "რეალს" "პსჟ"-ს თავდამსხმელის კილიან მბაპეს შეძენა ურჩია, რომელიც გასულ ზაფხულს ახლოს იყო "სანტიაგო ბერნაბეუზე" გადასვლასთან.

"მადრიდის რეალმა კვლავ უნდა სცადოს მბაპეს შეძენა. საუკეთესო ფეხბურთელებმა უნდა ითამაშონ ამ გუნდში. “, - განაცხადა გუტიმ El Chiringuito TV-სთან ინტერვიუში.

მანამდე გავრცელდა ინფორმაცია, რომ "სამეფო კლუბის" პრეზიდენტი ფლორენტინო პერესი კვლავ არ გამორიცხავს მბაპეს ტრანსფერს მომავალში.