ალ-ნასრი მაურო იკარდის შეძენით ინტერესდება

"პარი სენ-ჟერმენის" თავდამსხმელი მაურო იკარდი, რომელიც იჯარით თურქულ "გალათასარაიში" თამაშობს, შესაძლოა საუდის არაბეთის "ალ ნასრში" გადავიდეს. ამის შესახებ TMW Radio იუწყება.

წყაროს ცნობით, საუდის არაბეთის კლუბი გუნდის გაძლიერებას აპირებს. "ალ-ნასრის" წარმომადგენლებმა უკვე დაიწყეს მოლაპარაკებები იკარდის გარემოცვასთან და ფეხბურთელი დადებითად არის განწყობილი საუდის არაბეთში გადასვლაზე.

იკარდით არგენტინელი "ნიუელს ოლდ ბოიზიც" არის დაინტერესებული, მაგრამ "ალ-ნასრს" შეუძლია 29 წლის თავდამსხმელს უფრო მომგებიანი კონტრაქტი შესთავაზოს.

თურქეთის სუპერლიგის მიმდინარე სეზონში ექვს მატჩში იკარდიმ ოთხი გოლი გაიტანა და ორი საგოლე გადაცემა გააკეთა.