ლოვრენი ზენიტიდან საფრანგეთის ლიგა 1-ში გადადის

დეიან ლოვრენი "ზენიტიდან" საფრანგეთის ლიგა 1-ში კერძოდ კი "ლიონში" გადადის.

L'Équipe-ის ცნობით, 33 წლის ხორვატთან კონტრაქტი უკვე შეთანხმებულია. მცველმა ფრანგულ კლუბში სამედიცინო შემოწმება გაიარა.

"ლიონი" რუსულ კლუბთან კომპენსაციის ოდენობაზეც შეთანხმდა. ეს მცირე თანხა იქნება, იმის გათვალისწინებით, რომ ლოვრენს კონტრაქტის ამოწურვამდე 6 თვე ჰქონდა დარჩენილი.

აღსანიშნავია, რომ ლოვრენი "ლიონში" 2010-2013 წლებში თამაშობდა. ის "ზენიტს" 2020 წელს შეუერთდა.