ვიცე-ჩემპიონის კიდევ ერთი გამორჩეული ტრანსფერი - ზარანდია ბათუმის დინამოში ითამაშებს

ეს ინფორმაცია საქართველოს პირველ არხს კლუბის პრეზიდენტმა არჩილ ბერიძემ დაუდასტურა.

ზარანდიამ აჭარულ გუნდთან კონტრაქტი 1+1 სისტემით გააფორმა და უკვე კლუბთან ერთად ვარჯიშობს.

ფეხბირთელი ბოლოს ექსტრაკლასას "კორონაში" გამოდიოდა, სადაც 7 მატჩში 1 საგოლე გადაცემა გააკეთა.

ზარანდია სხვადასხვა დროს: თბილისის "ლოკომოტივის", "გენკის", "არკას", "ზულტე ვარეგემის" და "ტობოლის" შემადგენლობაში გამოდიოდა. საქართველოს ნაკრებში კი ორი მატჩი აქვს ჩატარებული.