ნაპოლიმ ჩემპიონატში ბოლო 15 მატჩიდან 14 მოიგო - ბურთების სხვაობაც საოცარია

ხვიჩა კვარაცხელიას „ნაპოლიმ“ სერია ა-ს ბოლო 15 მატჩიდან 14 გამარჯვების მოპოვება მოახერხა.

ლუჩანო სპალეტის გუნდმა მე-19 ტურში „სალერნიტანა“ 2:0 სტუმრად დაამარცხა.

ნეაპოლიტანელებმა სერია ა-ში ბოლო 15 მატჩიდან 14 მოიგეს საერთო ანგარიშით 36:10. ერთადერთი მარცხი გუნდმა წლის პირველ შეხვედრაში, „ინტერთან“ 4 იანვარს (0:1) იწვნია.

შემდეგ ტურში სპალეტის გუნდი „რომას“ 29 იანვარს უმასპინძლებს.