ავტორიზაცია

გალტიე: "მბაპემ პსჟ-ში დარჩენით გუნდის ვიცე-კაპიტნობა დაიმსახურა"

გალტიე: "მბაპემ პსჟ-ში დარჩენით გუნდის ვიცე-კაპიტნობა დაიმსახურა"
თარიღი 25 იან 2023, 22:27
კრისტოფ გალტიეს თქმით, კილიან მბაპემ „პსჟ-ს“ კაპიტნებს შორის ყოფნა დაიმსახურა.

საფრანგეთს თასზე „პსჟ-მ“ „პეი დე კასელი“ 7:0 დაამარცხა. მბაპემ, რომელმაც ამ შეხვედრაში ხუთი გოლი გაიტანა, გუნდი მოედანზე კაპიტნის სამკლაურით გაიყვანა, რადგან კაპიტანი მარკინიოსი თადარიგში დარჩა.

„მე გადავწყვიტე, რომ კილიანი ვიცე-კაპიტანი უნდა იყოს. მან სამკლაური მარკინიოსის არყოფნაში „პსჟ-ში“ დარჩენით დაიმსახურა.“ - აღნიშნა ფრანგმა მწვრთნელმა.

გასულ ზაფხულს მბაპე „რეალში“ გადასვლასთან ერთ ნაბიჯში იყო, თუმცა საბოლოოდ „პსჟ-ში“ დარჩენა გადაწყვიტა.